Home DIVÈRSES L’EXERCICI FISIC PREVEN LA DEMÉNCIA
L’EXERCICI FISIC PREVEN LA DEMÉNCIA
0

L’EXERCICI FISIC PREVEN LA DEMÉNCIA

0
0

Plusors estudis ja avián explorat la relacion entre far d’exercici fisic e la prevencion de la deméncia en personas d’edat avançada. Ara, totun, un nòu estudi de l’Universitat alemanda Goethe n’a fach un de nòu en tot restacar aquò directament a nivèl mondial.

Per ansin, mai d’un gerontològ e doctors de l’espòrt ja avián avisat de l’influéncia positiva que pòt aver l’exercici fisic en l’activitat cerebrala. Mas l’Universitat de Francfòrt Goethe a volgut o estudiar en 60 personas amb d’edats entre 65 e 85 ans. La conclusion balha la rason a estudis anteriors. Far d’exercici fisic va plan per lo cervèl uman.

L’estudi, publicat al jornal Translational Psychiatry, confirma que l’exercici fisic es mai que bon per l’activitat cerebrala. Arrèsta l’aparicion de la deméncia en personas d’edat avançada d’una manièra clara. L’estudi a restacat directament l’activitat cardiopulmonara amb la cognitiva. Son estadas realizadas de tomografias e ressonàncias magneticas amb espectroscopi. Los voluntaris avián de far bicicleta tres còps la setmana pendent 12 setmanas ( e aquò pendent 30 minutas cada còp). Puèi arribèron las pròvas medicalas.

Una relacion clara sus lo cervèl

Los recercaires estudièron aital los efèctes que podiá aver aquel exercici sus lo metabolisme, l’estructura e la coneissença cerebrala. E, al còp, s’aquò tanben èra un benefici a nivèl corporal. La direccion de l’estudi foguèt realizada per los professors Johannes Pantel e Winfried Bauzer, dels departaments de Gerontologia e Medecina Esportiva d’aquela universitat alemanda.

Two senior African American women, doing tai chi exercises at the park.

Las sospèchas foguèron confirmadas. I aguèt doncas cap suspresa. L’activitat fisica èra bona per lo metabolisme cerebral. Mas cossí ? A travèrs de la pèrda de nèrvis cellulars es quora apareisson malautiás coma l’Alzheimer. E l’activitat cerebrala arrèsta aquela pèrda. De mai, los nivèls de colinas creisson en los individus estudiats. Mas encara s’es demostrat que l’eficiéncia cardiaca arriba a melhors nivèls après lo periòde d’exercici fisic.

La conclusion soslinha una direccion que pòt ajudar las personas d’edat avançada. Far exercici fisic sovent ajuda arrestar l’aparicion de malautiás coma l’Alzheimer. Aquò es encara mai beneficis per la santat. Cal far doncas totes d’exercici fisic !

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *