Home DIVÈRSES LAS TÈRRAS CULTIVADAS AN MAI ARBRES ENCARA
LAS TÈRRAS CULTIVADAS AN MAI ARBRES ENCARA
0

LAS TÈRRAS CULTIVADAS AN MAI ARBRES ENCARA

0
0

Totes sèm conscients del declin de la massa forestala pel planeta, sustot per las regions tropicalas. Mas a costat d’aquò, un estudi novèl soslinha que los arbres que son sus de tèrras cultivadas an crescut fins arribar a transformar mai de 0,75 gigatònas de diòxid de carbòni cada an. Una chifra fòrça mai granda que non pas fa solament 6 ans. Aquò pòt ajudar a arrestar l’efècte de gas de sèrra a la Tèrra. Pr’aquò, i a de diferéncias segon las regions.

Segon lo Panèl del Cambi Climatic, las tèrras cultivadas provòcan 24% d’emissions de gas de sèrra al nivèl global. Mas es un impact limitat e ara un estudi novèl confirma que d’aver mai d’arbres pòt ajudar a la luta contra lo cambiament climatic al nivèl global.

Los arbres situats en tèrras cultivadas aurián doncas chuclat 0,75 gigatònas de diòxid de carbòni al nivèl planetari.

Sus lo planeta i a 1.200 milions de personas que vivon sus de tèrras agricòlas mas  l’estudi “Global Tree Cover and Biomass Carbon on Agricultural Land” confirma que i a de mai en mai d’arbres sus aquelas tèrras e qu’aquò ajudarà plan la luta contra lo cambiament climàtic.

Asia e America son lidèrs

Segon aqueste estudi, los airals ont i a ara mai d’arbres que non pas en 2010 son las tèrras cultivadas d’Asia del Sud-Èst, America Centrala e l’Èst d’America meridionala. Tanben la còsta d’Africa de l’Oèst. Creisson un pauc mens en Asia Meridionala, Africa del Sud, Euròpa, Amazonia e America del Nòrd. E encara mens en China de l’Èst, Nòrd-Oèst d’Índia e las pradas nòrd-americanas e australianas.

Brasil, Indonèsia, China e Índia son los païses doncas qu’an de tèrras cultivadas ont los arbres creisson mai. Per contra, Argentina, Mianmar e Sierra Leone son los païses ont creisson mens. La resulta d’aquò es que, al nivèl global, i a mai d’arbres sus las tèrras ont i a d’agricultura “que pòdon ajudar de manièra potenciala la luta contra lo cambiament climatic”, çò diguèt Jianchu Xu, del Centre Mondial Agroforestal. “Pr’aquò s’an d’explorar las possibilitats d’aver encara mai d’arbres per aquestas tèrras”.

Un estudi novèl soslinha que los arbres que son sus de tèrras cultivadas an crescut fins arribar a transformar mai de 0,75 gigatònas de diòxid de carbòni cada an.

Los arbres situats en tèrras cultivadas aurián doncas chuclat 0,75 gigatònas de diòxid de carbòni al nivèl planetari. E l’esfòrç, dison, pòt èsser encara mai grand mas, avis! aquò solucionarà pas lo problema de las emissions de gas de sèrra que contunharà malgrat una preséncia pus granda d’arbres.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *