Home DIVÈRSES LA BEVENDA DELS DIEUS
LA BEVENDA DELS DIEUS
0

LA BEVENDA DELS DIEUS

0

Ja fasiá centenats d’ans qu’èra conegut per de civilizacions coma l’astèca quora foguèt descobèrt pels europèus a la fin del sègle XV. E l’aimèron tan que volguèron l’exportar a totes los ostals de l’ancian continent. La sieuna descobèrta foguèt una capitada e encara uèi es coneguda coma la bevenda dels dieus; parlam del cacau.

Lo cacau a de substàncias qu’arriban fins lo colon en tot produsir microorganismes e bacterias bonas per combatre lo restrenhement.

Beure cacau o lo manjar balha plan de beneficis a la santat umana. Encara mai que beure d’autras bevendas coma lo tè (verd o negre) o lo vin negre. E aquò es pr’amor de las sieunas proprietats antioxidantas, que n’a mai encara qu’aquelas bevendas, l’acai o las granas de Goji. La sieuna accion negativa contra los radicals liures es un dels melhors beneficis que pòt balhar a la santat umana coma antioxidant pr’amor qu’es una defensa de la degeneracion de las nòstras cellulas.

De mai, lo manjar crus, confirman las darrièras donadas, balha un naut contengut en magnèsi, fèrre e cròme, unes minerals totalament necessaris per lo bon foncionament del nòstre organisme. Al delà, es un aliment qu’a importants beneficis cardiovasculars.

Ajuda contrarotlar la tension artificiala

Beure cacau balha plan mai de beneficis a la santat d’autras bevendas coma lo tè o lo vin.

Lo cacau es un fruch qu’a divèrsas proprietats per ajudar contrarotlar la tension artificiala: los polifenòls qu’a an d’efèctes vasodilatadors. Tanben ajuda regular la quantitat de sucre que pòt i aver dins la sang. Aital, un nombre mai grand de polifenòls dins lo còrs uman es una melhor proteccion contra plusors malautiás coma las cardiovascularas, lo càncer e la degeneracion cognitiva. E mai, ajuda redusir lo colesteròl e los triglicerides.

Los darrièrs estudis confirman qu’es una noiridura plan beneficiosa per la santat umana. Ajuda crear endorfines, las ormonas que melhoran lo nostre coratge. Pr’aquò ajuda contrarotlar las nostres emocions e es tanben un plan bon digestiu.

Es estat demostrat scientificament que lo cacau a de substàncias qu’arriban fins lo colon en tot produsir microorganismes e bacterias que, un còp en la nòstra flora bacteriana, son bonas per combatre lo restrenhement.

Fin finala, es un fruch que pòt èsser aplicat a travèrs de la chocolaterapia en tot far de massatges amb aquel sus la pèl. La fa aital mai doça e l’extrach de cacau pur a de proprietats reductoras, que brutlan la graissa e redusisson la cellulitis. Ara que ja coneissèm totes los beneficis que pòt balhar a la nòstra santat, anam beure una tassa de chocolat ?

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.