Home SCIÉNCIA INTELLIGÉNCIA UMANA E CONNECTIVITAT CEREBRALA VAN AMASSA
INTELLIGÉNCIA UMANA E CONNECTIVITAT CEREBRALA VAN AMASSA
0

INTELLIGÉNCIA UMANA E CONNECTIVITAT CEREBRALA VAN AMASSA

0
0

De cercaires an trobada una nòva tecnica que restaca l’intelligéncia umana amb las diferentas connexions cerebralas. La nòva tecnica s’apèla de “similaritat morfometrica” e pòt arribar de mostrar cossí son connectadas las regions cerebralas umanas e, a respècte d’aquestas, l’intelligéncia d’un individú. L’estudi es publicat dins la revista numerica Neuron.

La còla qu’a descobèrt aquela nòva tecnica afirma qu’es un biais nòu, segur e scientific de far un apròchi biologic de la compreneson del foncionament cerebral e de sas connexions. Aital se pòt far un estudi psicologic mai prigond sus la psique umana.

La nòva tecnica estudiat las connexions cerebralas per rapòrt a l’intelligéncia umana, çò es que del mens òm es intelligent, del mens i a de connexions.

Aquò arriba après un esfòrç fach per la comunautat scientifica pendent las darrièras annadas de trobar cossí foncionan las connexions cerebralas umanas e de comprene s’aquò es restacat amb l’intelligéncia mas tanben amb los desòrdres mentals.

Segon Jakob Seidlitz, de l’Universitat de Cambridge, es possible de crear ara una mapa de las connexions cerebralas umanas en tot utilizar un escanèr de ressonàncias magneticas. “I a una relacion clara entre las connexions de las regions cerebralas, çò diguèt, e lo nivèl d’intelligència d’un individú”.

Un estudi amb prèp de 300 volontaris

L’estudi comparèt los cervèls de 296 adolescents e la nòva tecnica capitèt plan per totes. Puèi, prèp de 125 volontaris de mai confirmèron las resultas. Segon aquò, se doas regions an lo meteis perfil, an de similaritat morfometrica e aital se pòt conclure que son connectadas.

Los cercaires de l’estudi trobèron un ligam entre las connexions cerebralas umanas e l’intelligéncia umana.

Las resultas foguèron puèi aplicadas a 31 monards e aital podèron crear una mapa de las connexions cerebralas umanas. Los cercaires de l’estudi trobèron un ligam entre las connexions cerebralas umanas e l’intelligéncia umana.

“Amb un escanèr mai precís poiriam aver de nòvas donadas”, çò assegurèt Seidlitz. L’estudi a pas confirmat perqué i a de variacions als desparièrs nivèus d’intelligéncia trobats. Que produtz mai de connexions cerebralas dins un individú ? Es la genetica o l’educacion ?

Segon Ed Bullmore, tanplan de la meteissa universitat, aquò es un pas de mai dins l’estudi de l’intelligéncia umana a travèrs dels escanèrs. Porgís mai de certitud scientifica que non pas las espròvas escrichas, çò diguèt.

De mai, la nòva tecnica per estudiar las connexions cerebralas per rapòrt a l’intelligéncia umana, çò es que del mens òm es intelligent, del mens i a de connexions, pòt tanben ajudar a l’estudi dels simptòmas de malautiás mentalas coma l’ànsia, la depression e l’esquizofrenia, que lor origina se poiriá trobar dins de diferéncias de connexions cerebralas.

 La Redaccion

Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *