Home PALEONTOLOGIA HÈRA LIGATS A L’ENVIROAMENT
HÈRA LIGATS A L’ENVIROAMENT

HÈRA LIGATS A L’ENVIROAMENT

0
0
baixa
Aqueste estudi a podut confirmar que la distribucion deus dinosaures avèva com rason màger lo climat.

La descobèrta d’un navèth genre e espècia de dinosaure en Austràlia, aqueth còp de la familha deus titanosauris erbivòrs, que permet de confirmar qu’èran animaus hèra ligats a l’enviroament e a las condicions climaticas. De hèit, Savannasaurus elliottrum, aquò ei lo son nom scientific, ne podó pas sonque immigrar entà Austràlia – un territòri en aquera epòca tanben près deu Pòle Sud – quan las temperaturas pugèn. Pas abans.

La bèstia que hasèva 14 mètres de long e vivó 95 milions d’ans avèva, pendent lo Cretacèu. Aparentat a la familha deus sauropòdes – çò que vòu díser qu’èra tan gran com un terrenh de basquet – e qu’avèva un còth hèra long e espatlas (hips) hèra largas.

“Dab espatlas de mei d’un mètre e ua caisha toracica tan grana com la deu sauropòde mei robust qu’avem trobat dinc ara – çò digó Stephen Poropat, de l’Universitat d’Uppsala, en Suèda e tanben membre deu Musèu australian de Queensland de l’Edat deus Dinosaures –“ . E atau qu’ac confirmè en la revista Scientific Reports.

Mei de 10 annadas de trabalh

Savannasaurus qu’ei lo frut de mei de 10 ans de cèrcas suus sons òs, pr’amor qu’èra estat dejà descobèrt en 2005 per David Elliot, cofondator deu Musèu de l’Edat deus Dinosaures. La formacion geologica on estó trobat qu’èra la de Winton, un fossile de 95 milions d’ans.

images-1
Savannasaurus elliottrum ne podó pas sonque immigrar entà Austràlia quan las temperaturas pugèn e pas abans.

Savannasaurus que vivèva dab d’autes sauropòdes, com Diamantinasaurus e Wintonotitan e tanben dab divèrses ornitopòdes, anquilosauridi e terapòdes carnivòrs com Australovenator. Aquera epòca que coneishèva temperaturas mei hautas que las de uei. E lo son ajòu non podó pas arribar en Austràlia de l’America deu Sud enlà shens que las temperaturas n’estossin pas pro hautas. Aquò ei un element màger entà compréner lo movement deus dinosaures, qu’expliquèn los scientifics qui hasón l’estudi.

“La distribucion deus dinosaures qu’avèva com rason màger lo climat. Aquò que pertòca tanben d’autes animaus uei -çò digó Benjamin Ker, de l’Universitat d’Uppsala-. qu’afectava las plantas tanben. Totun, qu’ei lo prumèr còp que podem afirmar que las temperaturas determinavan los movements deus dinosaures. E la migracion de Savannasaurus entà las tèrras polaras qu’estó enqüèra mei grana, pr’amor qu’afectè tanben hèra mei la fauna e la flòra d’aquera epòca”.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *