Home LINGÜISTICA FORUM DE LENGAS A TOLOSA
FORUM DE LENGAS A TOLOSA

FORUM DE LENGAS A TOLOSA

0
0

Aquesta dimenjada la ciutat mondina foguèt un luòc de rescontre un còp mai del Forum de las Lengas. Ongan, entre las divèrsas activitats, las lengas e culturas de l’Ocean Indian son estadas protagonistas. I aguèron divèrses debats e taulas d’informacion. La celebracion d’aqueste forum a Tolosa es una escasença unica dubèrta a totes per conéisser mai encara la diversitat lingüistica e culturala de la nòstra planeta.

Un espectacle de colors, que representavan totes los países presents, aquò foguèt ongan lo Forum de las Lengas.

Aital, e coma cada an a Tolosa celebrèt la legalitat e la unitat culturala de totas las lengas del mon, amb lo Forum de la lengas. Aicesta es una iniciativa nascuda l’an 1992 per volontat de Claudi Sicre e lo Caireforc Cultural Arnaud Bernard (Carrefour Culturel Arnaud Bernard) . Ongan celebrèt la 24 edicion que foguèt dedicada a la lenga e la cultura de l’Ocean Indian, amb de taulas d’informacion e dos debats dedicats.

Lo Caireforc Arnaut Bernart qu’organiza aiceste eveniment a la prima, es un luòc plan especial de Tolosa per la seva estrategia d’aculhida culturala, es tanben a l’origina de la promocion de la Declaracion suls Devers envèrs las Lengas e lo Lengatge, e a la Proposicion de Nacionalizacion de las Lengas e Culturas de França. Lo Carrefour Cultural contunha aquela idèa d’egalitat amb la sieuna programacion d’activitats culturalas, de pensament filosofic, d’animacion e trobadas linguisticas.

Un monde divèrs e ric

Aquesta dimenjada Tolosa es estada un luòc de rescontre tornarmai del Forum de las Lengas.

Lo Forum es un rencontre annual que se prepausa d’unir totas las lengas e culturas del mond jos un espaci ont totas lengas se presentan per la sieuna importància, sens cap distincion entre dialèctes o lengas nomentadas minoritàrias. Es organizat coma una fièra, amb de taulièrs colorats e ongan se celebrèt jos un sol plan caud e un vent fòrt que bolegava tots los drapèls. Un espectacle de colors, que representavan totes los países presents. Aiceste an èran presents més de 120 païses, e ongan los países d’Oceania èran los convidats especials, en collaboracion amb lo Festival Rio Loco de Tolosa…

A la plaça i èran los apassionats, los locutors expèrts, benvolents per la lenga, e plan de genta comuna, que participèt als espectacles e en las improvisacions de diferentas faitas al mièg de la plaça. Èran d’animacions prepausadas tanben per rapòrt amb las practicas ligadas a lor cultura.

*Giuliana Mulas

*Dempuèi uèi trobarètz una pichona biografia dels redactors de Sapiéncia en la seccion Qui sèm.

LEAVE YOUR COMMENT

L'adreça electrònica no es publicarà. Els camps necessaris estan marcats amb *