Home TECNOLOGIA FACEBOOK NON LAISSARÀ BLOQUEJAR ANONCIS
FACEBOOK NON LAISSARÀ BLOQUEJAR ANONCIS
0

FACEBOOK NON LAISSARÀ BLOQUEJAR ANONCIS

0
0

O a tot just anonciat Facebook. S’abans los usatgièrs podián demandar d’arrestar la visualizacion d’anoncis, ara solament poirán causir quin tipe d’anoncis vòlon veire. Mas auràn de veire d’anoncis en la version de Facebook a travèrs de l’ordinador.

images
Facebook non vòl pagar las entrepresas per arturar los anoncis.

Aital, Facebook contunharà de mostrar d’anoncis maugrat que los usatgièrs ajan demandat d’arrestar de los veire. La soleta opcion qu’auràn los usatgièrs ara serà causir quin tipe d’anoncis se poiràn veire e pro – coma anoncis d’animals o de viatges – e demoraràn bloquejats totes aqueles anoncis que l’usatgièr non a demandat.

“Es una manièra d’ofrir un contraròtle mai potent dels anoncis a l’usatgièr – çò diguèt en lo blòg oficial de Facebook, Andrew Bosworth, portavotz de l’entrepresa-. Dempuèi ara, se la gent non vòl pas veire d’anoncis sus una tematica poirà quitar de la sieuna lista d’interèsses aquestas preferéncias e non tornarà mai a veire d’anoncis d’aqueste tipe”.

Una mesura que non a data

Aqueste anonci de Facebook que non a encara data per dintrar en vigor non serà aplicada ne en telefonets ne en l’aplicacion meteissa de Facebook e solament serà efectiva en l’ordinator. De mai, la nòva configuracion de lo siti de Facebook non permeterà veire d’una manièra desparièra als usatgièrs los anoncis o los autres contenguts. E non poiràn mai, totjorn en l’ordinator, demandar d’arrestar aquestes meteisses anoncis.

150422183153-mark-zuckerberg-facebook-780x439
Los usatgièrs de Facebook solament poiràn causir quin tipe d’anoncis vòlon veire e pro.

“Avèm fach d’esfòrces per ajudar en las preferéncias dels usatgièrs – çò confirmèt Bosworth -. Aital melhorarem la decision de l’usatgièr de non veire determinats anoncis. La gent tanben a de saber que i an d’entrepresas que vòlon recebre d’argent per non enviar d’anoncis e qu’aquò es contrari a l’esperit de la Fondacion Facebook”.

Coma entrepresa qu’ofrís servicis gratuits, Facebook a defensat la preséncia dels anoncis al mond pr’amor que fan d’aqueste un lòc mai dubèrt e connectat. Aquò totjorn segon Facebook es en benefici de la meteissa entrepresa, qu’aital pòt destinar argent a la sieuna Fondacion e non aver de pagar d’argent a las entrepresas en tot demandar d’arrestar la visualizacion de diches anoncis.

Christian Andreu

LEAVE YOUR COMMENT

L'adreça electrònica no es publicarà. Els camps necessaris estan marcats amb *