Home TECNOLOGIA FACEBOOK AURÀ TELEVISION PRÒPRIA LÈU
FACEBOOK AURÀ TELEVISION PRÒPRIA LÈU
0

FACEBOOK AURÀ TELEVISION PRÒPRIA LÈU

0

Lèu, abans de 30 jorns, segon çò que confirman qualques mejans. Es aital que Facebook vòl far la competéncia a d’autres canals televisius coma Amazon, Youtube o Netflix. Amb aquò lo fondator de Facebook, Mark Zuckenberg, vòl demostrar que la comunautat Facebook pòt aver encara unes ligams mai fòrts. Pasmens, l’aparicion de television a Facebook lo mes de junh d’ongan.

Aital, la nòva ambicion de Mark Zuckenberg es atraire l’atencion d’una audiéncia qu’es prèp dels 2000 milions de personas. I a pas pro amb aver l’atencion dels usatgièrs amb lo telefonèt, l’ordinator o la tablet. Ara, Facebook lançarà programes de contengut audiovisual tanben a la TV. E amb aqueste anonci benlèu arribarà abans qu’APPLE , que ja o anoncièt fa pas gaire mas sens una data especifica.

L’idèa es poder aver ja un o divèrses canals televius a travèrs de Facebook lo 17 de junh.

La programacion de Facebook serà realizada amb 20 programas. Las sieunas caracteristicas seràn un format amb un naut còst de produccion e pr’aquò la bona qualitat de las imatges e divèrses espisòdis cuerts, entre 5 e 10 minutas. Amb tot aquò Facebook poirà aver una programacion televisiva contunha 24 oras al jorn.

La tòca: lo festival del cinema de Canas

L’interès de Facebook es poder començar las emissions lo 17 de junh, la data de la celebracion del festival occitan de cinèma de Canas. “La filosofia, segon confirmèt lo vicepresident de Facebook, Dan Rose, al jornal espanhòl El País, es balhar l’escasença de poder veire los programas qu’avèm pas vist pendent lo jorn pendent la nuèch, amb tranquillitat. Serà un biais de crear unes ligams mai fòrts entre los usatgièrs de la comunautat de Facebook a la planeta tota”.

Amb aquò Facebook vòl fidelizar mai encara los sieus mai de 2000 milions d’usatgièrs.

Aquò arriba après annadas de bonas relacions entre los dirigents de Facebook e Netflix, una cadena de television privada de pagament. Mas i a diferéncias. Aquesta es un canal televisiu – una plataforma – qu’a pas publicat – e aquela ja a confirmat que los pichons anoncis seràn compreses al nòu canal de TV. Mas serà pas coma en Youtube, que fa veire òc o òc los anoncis. Abans de poder veire lo vidèo selleccionat. E aquò, de còps, fa enrabiar l’usatgièr. Un fach que Facebook vòl pas. Pasmens, los anoncis poiràn èsser vistes solament cada 5 minutas mas auràn una durada de 20 segondas e pro. Aital, dison, l’usatgièr poirà pas far fàstics.

Qualqu’unes ja dison qu’aquesta es la responsa personala de Zuckenberg après poder pas comprar l’aplicatiu informatic Snapchat per mai de 3 bilions de dolars. De mai, d’autres dison qu’es una fòrta apòsta per fidelizar los millenials o usatgièrs mai joves amb de videos tanben joves. Pr’aquò benlèu es estat contractat Ricky Van Veen, un dels fondators de College Humor, una siti de videos espectacloses de la comunautat universitària e que ja a milions d’usatgièrs. Aquesta seriá, fin finala, la tòca de Facebook e Zuckenberg; aver tornarmai milions d’usatgièrs, mas ara amb la television.

La Redaccion