Home TECNOLOGIA ETH MON QU’ARRIBE
ETH MON QU’ARRIBE
0

ETH MON QU’ARRIBE

0
0

Dilhèu es cambiaments que vedem en començament deth sègle XXI son revolucionaris, dilhèu non, mès aguesti darrèrs ans i a auut pro de descubèrtes scientifiques e invencions tà cambiar totauments es nòstes vides. E aquerò qu’ac volgam adméter o non. Eth mon qu’arribe, eth mon deth futur ja ei ací, entremiei nosati. Vos prepausam, en ua sèria d’articles, ua nauèra vision des ans que vieràn. Ua vision que dilhèu pensaratz qu’ei de sciéncia-ficcion. Mès es scientifics, es mèdia e es indústries d’aué mos diden que son reaus, plan reaus, e qu’entre 2015 e 2045 cambiaràn era nòsta manèra d’èster de tot en tot.

Ei eth matin der 1 de gèr 2045 e Rogèr se lhèue deth lhet. En aqueth moment, es sues lentilhes se connècten ath hilat d’Internet e li diden quina òra ei, damb qui s’a d’amassar aué, es darrèri messatges e quina ei era sua salut. Eth dia abans auie minjat carn de laboratòri e begut quauqui veires de vin. Es sòns vestits li dan es medicines exactes pes sòns maus.female-robots03

Eth hèt ei que ja hè ans qu’es umans an sus eri invencions que les connècten de contunh damb Internet. Aquerò permet que Rogièr gesque dera sua casa e digue bon dia ath sòn vesin en occitan. Aguest arrespon en francés, mès ambdús se comprenen pr’amor qu’an un aparelh arrevirador e era cordialitat ei era tonica dominanta.

Quan se tròbe damb eth sòn amic Pèir s’encuede qu’aguest a ua man metallica. Es prumèri cyborgs apareishen ja ath long deth començament deth sègle e i a fòrça persones qu’an protèsis quasi perfèctes. Pòden tocar coma ac hèn es auti umans. Atau madeish, era sua enamorada ei un robòt de darrèra generacion. Parle, saute e cor coma un uman e ei plan beròia.

Quan torne a casa es sòns vestits li diden quin minjar a de besonh. Atau pòt imprimir damb ua impressora 3D un bon bistèc de carn e quauqui verdugalhs. Hè temps qu’es umans non tuen pas mès animaus tà minjar. Aquerò a un efècte positiu ena atmosfèra e en environament.

Era sua casa ei decorada damb ua seuva e bronidera d’animaus sauvatges, mès ara Rogèr preferís espiar era mar e escotar es crits des balenes. Càmbie tot sonque pr’amor que li cau hèr un cambiament enes sues lentilhes. Es cases d’aquera epòca son quasi uedes. Eth cambiament ei aisit e ne pòt hèr un aute quan volhe. Era decoracion des cases atau ei personalizada.

Ena net, dempús de sopar damb amics, en tot utilizar era telepreséncia a trauèrs d’ologrames, beu un veire de vin damb Jan, eth sòn amic robotic damb qui parle de literatura, filosofia e sciéncia. Soent parlen des grani cambiaments que i son estadi es darrèri vint ans en mon.luxury-apartment-interior-498x327

Eth mon qu’arribe ja ei ací

Coma se pòt veir, i a fòrça invencions qu’ara madeish non auem, mes totes es invencions qu’auem descrit son reaus. Ja son entremiei nosati. Fòrça d’eres ja son estades sajades en laboratòris, e son estades ua capitada. Sonque manque qu’es enterpreses multinacionaus i volguen invertir. Com vos ac podetz figurar, totes aqueres invencions les pòden ajudar a guanhar fòrça sòs. Pr’amor d’aquerò, que tota era umanitat les age ei sonque question de temps:

Vestits intelligents damb medicines, carn e minjar de laboratòri, internet sus nosati, telepreséncia damb ologrames, cyborgs o umans miei artificiaus e amics robotics que mos hèn companhia e es trabalhs dera casa. Es setmanes que vien poderam compréner melhor totes aqueres invencions deth futur. Un futur que ja ei entremiei nosati.

Christian Andreu

LEAVE YOUR COMMENT

L'adreça electrònica no es publicarà. Els camps necessaris estan marcats amb *