Home DIVÈRSES ETH CHICOLATE NERE AJUDE ARA MEMÒRIA
ETH CHICOLATE NERE AJUDE ARA MEMÒRIA

ETH CHICOLATE NERE AJUDE ARA MEMÒRIA

0

E non solament ara memòria. Tanben redusís es inflamacions corporaus e er estrès. Ei çò que confirmen dus naui estudis sus aguest tipe de chicolate. E maugrat que fòrça gent ja pensaue que minjar-ne hè èster mès animat, ara arribe era pròva scientifica des beneficis entara santat qu’a eth chicolate (nere).

Son estudis que demòstren scientificaments qu’eth chicolate nere damb 70% de cacau o mès ei fòrça bon entara santat umana.

Eth chicolate a d’auer 70% de cacau e dus estudis presentadi ena convencion americana de biologia de San Diego confirmen es sòns beneficis. Minjar-ne ei ua grana ajuda entara regulacion cognitiua, endocrina e cardiovasculars des umans. Lee S. Berk, autora des estudis ac a volut soslinhar.

“Enquia aué ja sabíem qu’eth chicolate nere auie beneficis importanti entath sistèma neurologic pr’amor deth sucre – mès sucre e mès erosi èm – çò diguec Berk -. Mès ara auem podut estudiar er efècte de petites dòsis de chicolate nere en periòdes fòrça cuerts de temps en es umans e es resultats son fòrça positius”.

Potenti antioxidants

Atau, eth chicolate nere – eth cacau – a diuèrsi efèctes antioxidants e antiinflamatoris fòrça grani. De mès, tanben a agents fòrça beneficiosi entath cervèth e era santat cardiovascular. Es dus estudi analizèren eth consum d’aguest aliment en sòn impacte enes cellules en tot concentrar-se en es citocines pro e antiinflamatòries.

Segontes aqueri, es resultats confirmèren qu’eth consum de cacau hè créisher es senhaus intracellulars utilizadi enes cellules aperades T, creen a mès ua grana responsa cellular d’immunitat e tanben ua melhor recepcion sensoriau des cellules.

Ath delà, un des estudis volguec estudiar eth consum de 48 gr de chicolate nere amb 70% de cacau en solament trenta minutes e com afectaue açò ath còs pendent es seguentes 120 minutes. Er estudi siguec hèt damb electroencefalogrames e es resultats confirmèren es beneficis descriti entara santat umana.

Eth chicolate nere a diuèrsi efèctes antioxidants e antiinflamatoris fòrça grani.

Atau, eth chicolate nere, segontes diden es cercaires qu’an hèt aguest estudi, pòt arribar a èster aperada un superminjar pr’amor qu’a beneficis fòrça grani entara santat cerebrau en çò que tanh ara neuroplasticitat deth madeish.

“Son estudis que demòstren scientificaments qu’eth chicolate nere damb 70% de cacau o mès ei fòrça bon entara santat umana – çò confirmèc Berk-. Totun, cau ara hèr mès estudis cerebraus en mès gent entà conéisher mès prigondaments es sòns efèctes”.

Entre es estudis que se pòden hèr n’i aurie sus quina sèrie era causa que hè qu’eth cacau sigue tan bon entath cervèth. Pr’amor que hè a èster mès animat, mens cansat e es sòns efèctes son, de mès en mès, susprenents.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *