Home TECNOLOGIA ES PRUMÈRES MONES CLONADES
ES PRUMÈRES MONES CLONADES
0

ES PRUMÈRES MONES CLONADES

0

Era tecnologia scientifica ei ua suspresa dempús d’ua auta. Er Institut de Neurosciéncia dera Academia Chinesa de Shanghai a volut clonar dus mones damb era madeisha tecnica qu’era oelha Dolly. E maugrat es problèmes, ac an podut hèr. Se diden Zhong Zhong e Hua Hua e son es dus prumères clons de mones que i a auut jamès damb aguesta naua tecnica ena planeta. Benvenguts ara edat dera clonacion !

Zhong Zhong e Hua Hua e son es dus prumères clons de mones que i a auut jamès damb aguesta naua tecnica ena planeta.

An neishut damb era tecnica dera transferéncia nuclear de celules somatiques e dera madeisha manèra que naishec Dolly, ja hè mès de 20 annades. Son dus macacs de coa longa geneticaments egaus. Ei pr’açò qu’era còla scientifica qu’ac a hèt possible les a nomentadi Zhong Zhong e Hua Hua – er adjectiu Zhonghua en chinés que vò díder pòble o nacion chinesa-. Naisheren hè sies e ueit setmanes.

Estudis damb mones geneticaments egaus

Segontes es scientifics qu’an hèt aquera clonacion, eth neishement des dus mones daurís ara ua naua edat ena quau es scientifics poirien hèr era recèrca scientifica damb mès mones geneticaments egaus. Ei un succès dera tecnologia dera clonacion d’aué que ja siguec publicada hè ua setmana ena revista Cell. Segontes es recercaires que i an trabalhat açò convertís en realitat era possibilitat de hèr ua recèrca encara mès prigonda sus populacions de mones geneticaments egaus. Un hèt, totun, que non an dit s’ère morau o non.

“Damb aguest nau modèl auem encara mès questions sus era biologia des primats que poirien auer ua responsa, çò diguec Qiang Sun, director deth centre de Recèrca de Primats Non Umans der Institut de Neurosciéncia chinés-. Podem produsir clons de mones damb era madeisha sequéncia genetica. Solament serà diferent eth gèn manipulat”.

De mès, eth scientific chinés confirmèc qu’atau se poiràn crear modèls reaus entà analizar es malauties cerebraus damb ua base genetica e ath delà d’açò tanben d’autes deth sistèma immunologic, de problèmes deth metabolisme o tanben eth càncer.

Açò convertís en realitat era possibilitat de hèr ua recèrca encara mès prigonda sus populacions de mones geneticaments egaus.

Mès aguestes mones non son es prumères mones clonades. Siguec Tetra, ua mona rhesus neishuda en 1999 era prumèra. Neishec, totun, damb ua auta tecnologia, era dera division der embrion. Zhong Zhong e Hua hua sigueren creadi damb ua transferéncia nuclear de celules somatiques ena quau eth nuclèu der ovul siguec extret e siguec remplaçat per un aute damb celules diferentes.

Tot açò arribèc dempús de diferentes pròves que non aueren succès. Damb era utilizacion de celules de mona adulta es clons solament viuien ues ores e pro. Atau descorbiren que s’auien es nuclèus de celules fetaus podien auer succès. “Auèm sajat diferents metòdes, mès solament un auec succès”, çò afirmèc Sun.

Ara cau dilhèu arrespóner era question se era umanitat pòt jogar a èster Diu o açò ei un nau problèma morau qu’auem de resòlver entre toti, e non solament era classe politica o era comunautat scientifica.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *