Home DIVÈRSES ES MAINATGES DE MENS DE 5 ANNADES NON SON RACISTES
ES MAINATGES DE MENS DE 5 ANNADES NON SON RACISTES
0

ES MAINATGES DE MENS DE 5 ANNADES NON SON RACISTES

0

Dempús dera dusau guèrra mondiau eth concèpte de “raça” non siguec mès utilizat pes scientifics. Aguest non ère mès un element biologic entà determinar era personalitat d’un èster uman. Totun, ua part dera societat encara ac pense maugrat que diuèrses sciéncies coma era genetica, era biologia evolutiva e era antropologia an confirmat qu’ei un concèpte sociau mès que non naturau.

Es conclusions confirmèren que se eth mainatge ère d’un barri o auie un grop d’amics o anaue entà un collègi diuèrs, eth concèpte de raça perdie importància entà eri.

E ara un nau estudi demòstre qu’aguest concèpte non ei important entàs mainatges mendres de 6 annades. Er estudi confirmèc qu’eth concèpte de raça ei solament ua credença pròpria d’adults pr’amor qu’es mainatges qu’an entre 5 e 6 annades non relacionen eth color dera pèth damb es caracteristiques psicologiques des persones.

De mès, eth supremacisme raciau defenut damb arguments pseudoscientifics que ditz que i an ues etnies superiors as autes ère un concèpte que calie desmentir. E entà hè’c calie realizar un estudi sus quan e com se creen aqueres idèes fausses ( es prejudicis racistes).

Mès diuersitat, mens importància entara raça

Er estudi siguec realizat per ua còla internacionau dirigida pes universitats de Nòva York e Amsterdam. E es conclusions confirmèren que se eth mainatge ère d’un barri o auie un grop d’amics o anaue entà un collègi diuèrs, eth concèpte de raça perdie importància entà eri. Aquera credença donques non ei innata, e depen fòrça deth luòc on era persona a creishut.

“Auem mesurat uns factors que pensàuem que podien afectar es mainatges enes sues opinions sus era raça: era exposicion entara diuersitat e es credences des paires – çò diguec Tara M. Mandelaywala, coautora der estudi-. Mès i a fòrça factors que tanben son importants coma auer un grop d’amics o enquiara escòla”.

Er estudi confirmèc qu’eth concèpte de raça ei solament ua credença pròpria d’adults.

En er estudi i participèren 203 mainatges e mainades de Nòva York entre 5 o 6 annades e tanben 430 adults de diuèrses viles des Estats Units, blancs e neres. Es recercaires demanèren se pensauen qu’eth color dera pèth ère un eiretatge e se pensauen s’açò podie determinar coma serie ua persona dempús d’açò: se serie intelligenta, agradiua o atletica. E podèren descobrir qu’era actitud e lenguatge utilizat pes paires èren ua grana influéncia entàs credences des mainatges.

Es resultes sigueren analizades en tot estudiar es luòcs d’origina des mainatges: se èren de luòcs damb mès diversitat eth concèpte dera raça ère fòrça mens important pendent eth desvolopament personau. Es barris isolats donauen mès importància ara raça.

“Es resultes ajudaràn a compréner coma actuen e se desvolòpen es estereotips e prejudicis sus es races – çò diguec Mandelaywala – e qué podem hèr entà lutar-i en contra”.Ues resultes que diuèrsi de nosati ja pensàuem mès que son benvengudes entara lucha comuna contra un des concèptes que mès mau a hèt ara umanitat.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *