Home DIVÈRSES ES AUSTRALOPITECUS JOENI PUJAUEN FÒRÇA EN ES ARBES
ES AUSTRALOPITECUS JOENI PUJAUEN FÒRÇA EN ES ARBES
0

ES AUSTRALOPITECUS JOENI PUJAUEN FÒRÇA EN ES ARBES

0

Maugrat que, arqueologicaments, se ditz qu’es desparières espècies d’Australopitecus ja èren bipedes, ara ua naua analisi d’un nau fòssil deth pè d’un australopithecus afarensis hè dobtar sus eth bipedisme d’aquera espècia. Eth pè siguec trapat en Hadar, ena region de Didika, en Etiopia, en 2002.

Aguest descorbiment pòt èster liegut com ua critica prigonda entara dièta e adaptacion ecologica des australopitecus segontes es estudis hèti enquia ara.

Eth descorbiment e era analisi deth pè permetec pensar qu’ei un pè que serie mès utilizat entà pujar en es arbes que non entà caminar. E sense negar qu’aqueth ominin podie tanben caminar ben aurie ajudat a aqueth australopitecus entà agarrar es arrames des arbes entà cercar minjar.

“Ei ua hièstra dubèrta entara vida des ominins que se passèc entre hè 2,5 e 3 milions d’annades. Ei eth mès complet pè d’un australopitecus joen jamès descorbit enquia aué – çò diguec Jeremy DeSilva, deth Collègi Dartmouth e dera còla antropologica qu’a hèt aguesta naua analisi”.

Atau, eth pè fossil, nomentat DIK-1-1f, ei part d’un esquelet sencer de mès de 3,32 milions d’annades d’ua hemna joena Australopithecus afarensis. Er esquelet siguec descorbit en pòble de Hadar, en Etiopia en 2002 per ua còla dera Universitat de Chicago.

Ua mescla de dues espècies

Segontes eth professor Zeresenay Alenseged, cap dera còla qu’a hèt aqueth nau estudi, Australopithecus poirie èster considerat coma ua espècia derivada d’Ardipithecus ( que poirie ben èster biped) e qu’auie quauqu’ues caracteristiques d’Homo erectus, mès non totes.
Era naua analisi permetec estudiar mès prigondaments es caracteristiques desconeishudes enquia ara deth pè d’aquera espècia. Èren d’animaus que caminauen fòrça ben. Çò de susprenent, ara, ei descorbir que tanben èren fòrça temps en es arbes e que eth sòn pè tanben ère adaptat ad aguest mèdi.

Ara ua naua analisi d’un nau fòssil deth pè d’un australopithecus afarensis hè dobtar sus eth bipedisme d’aquera espècia.

Segontes es arqueològs, donques, eth nin de Didika, caminaue ben mès tanben ère fòrça temps sus es arbes. Ère sus era sua mair mentre aquera cuelhie minjar des arbes. Es joeni, diden es scientifics, demorauen mès temps en es arbes que non es adults.

“Auem descorbit qu’aguest especimèn auie era estructura necessària entà caminar ben coma ac hègen es adults – çò diguec DeSilva – mès que tanben auie un uas que permetie pujar en es arbes fòrça mès temps que non es adults”. Açò harie cambiar totauments era istòria deth bipedisme ena evolucion ominina. “Ère melhor pujar en es arbes pendent era net – çò confirmèc DeSilva”.

Ara aguest descorbiment pòt èster liegut com ua critica prigonda entara dièta e adaptacion ecologica des australopitecus segontes es estudis hèti enquia ara. D’auti estudis hèti abans ja indicauen aguesta naua direccion scientifica. Era analisi siguec publicada ongan ena pagina web Science Advances.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.