Home DIVÈRSES ERA MÈU EUROPÈA EI ERA QU’A MES PESTICIDES
ERA MÈU EUROPÈA EI ERA QU’A MES PESTICIDES
0

ERA MÈU EUROPÈA EI ERA QU’A MES PESTICIDES

0
0

Era mèu europèa ei ua des mèus mes contaminades dera planeta. Un recent estudi scientific a podut confirmar qu’era utilización de neonicotinoïdes – un pesticida – ei abituau ena mèu de tota era planeta. Totun, e maugrat qu’era mèu nòrd-americana ei ua des qu’a mes preséncia d’aguest pesticida, era mèu europèa encara n’a mes: 10 nanograms/gram.

Segon er estudi hèt ara era mèu europèa ei ua des qu’a mès pesticides en tota era planeta.

Er estudi ei pro alarmant. S’a podut confirmar qu’era majoritat de mèu de tota era planeta a pesticides – tres de quate casi – . Damb açò demòre clar qu’es abelhes tòrnen es productes quimics ara mèu que dempús serà consumida pes umans.

Era alèrta siguec donada pera revista Science hè ua setmana. Era preséncia de pesticides neonicotinoïdes ena mèu ère present en mèu d’abelhes de toti es continents.

Eth prumèr estudi de mèu globau

Aguest qu’ei eth prumèr estudi dera mèu a nivèu globau e a demostrat qu’era populación d’abelhes ei fòrça expausada ara utilizacion de pesticides pes umans. Tres de quate exemples enviadi entà har er estudi confirmaven qu’èra mèu avie uns nivèus pro nauts de cinc des neonicotinoïdes mes abituaus ena agricultura umana.

“Siguec ua suspresa entà nosati – çò diguec un des caps der estudi, Edward Mitchell, biològ dera Universitat de Neuchatel, en Soïssa-. Es pesticides detectadi son utilizats en diferenti climats e tipes d’agricultura ena planeta mès era preséncia de pesticides quimics ena mèu qu’avèm recebut de toti es luòcs deth mon ei confirmada (tanben en es isles mes alunhades e qu’an pauca agricultura). Un hèt alarmant.

Segontes Amor Zayed, biològ dera Universitat de York, en Toronto, non se pensave qu’era utilizacion de neonicotinoïdes ère un problèma mes que locau. Totun, era publicacion d’aguest estudi scientific a desvolopat encara mes aguest problèma, que cau solucionar ja.

Entà hèr aguest estudi, Mitchell e era sua còla arreceberen 198 exemples de mèu de toti es païsi dera planeta. Era preséncia de pesticides siguec confirmada en es ¾ des exemples maugrat que i a variacions regionaus: Oceania a enquia 10 nanograms de Tiaclopride (un aute neonicotinoïde) per gram de mèu e Asia prèp d’un 75% d’Acetamipride o 10 nanograms/gram. Totun, qu’era preséncia de Tiaclopride en Euròpa ei ua des mes nautes dera planeta (prèp d’un 75% o mes de 10 nanograms/gram de mèu).

Es darrèrs estudis confirmen qu’era mèu europèa ei ua des qu’a mès pesticides.

Es neonicotinoïdes son un tipe de pesticidas que comencèc d’èster utilizat pes umans pendent es annades 1990 pr’amor qu’atacave eth sistèma nerviós des insectes mès que non ère dolent entàs umans. Çò que non se sabie alavetz ère que tanben afectarie es abelhes. Aué i an divèrsi estudi que situen aguesti tipe de pesticides coma era causa mes grana dera deth declin d’insectes (entre es quaus es abelhes) polinizadori. Es contraris ad aguesta teoria parlen dera pèrda d’abitat e infeccions parasitaries coma causa d’açò. Mès aguest nòu estudi demostrarie qu’es abelhes an recuelhut e fòrça es neonicotinoïdes e qu’aguesti son encara presents ena mèu que hèn.

Atau, era sua preséncia ei confirmada en toti es continents (86% en America del Nòrd e solament un 57% en America del Sud). Mès mes dera meitat dera mèu avie un o mes d’un tipe de pesticida. Peth moment, totun, es nivèus trapadi son dejós des nivèus consideradi toxics pes umans.

Ath delà, e segontes eth tipe de mèu, ua des espècies mes afectades serie era abelha de mèu europèa (Apris mellifera), que siguec utilizada en tota era planeta entà pollinizar es flors. D’autes espècies natives tanben son exposades as neonicotinoïdes e segontes eth neuroetològ d’insectes dera Universitat de Newcasttle, Geraldine Wright, o son fòrça pr’amor que n’i a mens e era contaminacion entara tota era colonia ei atau mes rapida.

Christian Andreu*

*Dempuèi uèi trobarètz una pichona biografia dels redactors de Sapiéncia en la seccion Qui sèm.

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *