Home SCIÉNCIA DEU CAMIN TÀ ALFA CENTAURI
DEU CAMIN TÀ ALFA CENTAURI
0

DEU CAMIN TÀ ALFA CENTAURI

0
alphacen-a-y-b
Alfa Centauri qu’ei un sistèma estellar dab tres estelas, duas com lo Sorelh, Alfa Centauri A e B e ua auta mei luenhèca, Alfa Centauri C.

Mei d’informacions que ns’arriban adara deu programa espaciau “Breakthrough Starshot” (Tir Estellar), ua iniciativa entà enviar micronaus espaciaus granas com ua carta de credit tà la constellacion Alfa Centauri, situada qu’a 4,3 annada-lutz sonque de la Tèrra. Dab aqueth projècte l’umanitat que poderé arribar tà Alfa Centauri d’ací 20 ans contra los 30.000 ans necessaris dab la tecnologia actuau.

Entà aquò aqueth programa que beneficia de mei de 100 milions de dòlars d’investiment. Mes qu’estó dejà arreconeishut que lo desvolopament sancèr d’aqueth programa que durarà annadas. La direccion deu programa que serà tà Pete Worden, un director de la NASA, en collaboracion dab un comitat de scientifics e engenhaires. Qu’i seràn presents tanben lo scientific Stephen Hawking, lo milionari Yuri Milner e lo fundator de Facebook, Mark Zuckenberg.

Un programa dab possibilitats

“La Tèrra qu’ei un planeta hèra beròi – çò digó Stephen Hawking – mes n’i demoraràm per tostemps. De mei, qu’avem a arriba lèu a las estelas e lo programa Tir Estellar qu’ei un purmèr pas entà començar aqueth camin”.

the_bright_star_alpha_centauri_and_its_surroundings
Dab aqueth projècte l’umanitat que poderé arribar tà Alfa Centauri d’ací 20 ans contra los 30.000 ans necessaris dab la tecnologia actuau.

Atau, lo programa qu’includeish de bastir ua basa espaciau de lançada e acumular pro d’energia entà har lo lançament: lançar ua nau maire que poderé lançar en orbita d’autas atau com profieitar deu vent solar entà balhar mei de velocitat ad aqueras micronaus. Enlà d’aquò, que cau programar un camin libre de travas entà vàder possible l’arribada de las micronaus tà Alfa Centauri e préner imatges deus planetas qui s’i tròban. Entad aquò que seré utilizat lo medish lasèr dab lo quau e serén lançadas las micronaus.

Alfa Centauri qu’ei un sistèma estellar dab tres estelas, duas com lo Sorelh, Alfa Centauri A e B e ua auta mei luenhèca, Alfa Centauri C. Las purmèras duas estelas que son tà 80 ans de viatge l’ua de l’auta e lo sistèma qu’a dus planetas qui orbitan au ras d’Alfa Centauri B. Los planetas que son nomats Alfa Centauri Bb e Alfa Centauri Bc, descobèrtas per duas equipas d’astronòmes desparièras enter 2012 e 2015. La mission finau de las micronaus que seré d’enviar informacions e imatges d’aqueths planetas entà confirmar que i a vita extraterrèstra.

La Redaccion