Home LINGÜISTICA DESCORBIDA ERA LENGUA MAIRAU AUSTRALIANA
DESCORBIDA ERA LENGUA MAIRAU AUSTRALIANA
0

DESCORBIDA ERA LENGUA MAIRAU AUSTRALIANA

0

Austràlia siguec colonizada en 1788. En aqueth moment i auie mès de 200 lengües parlades en continent. Aué sonque demoren 120 lengües indigènes mès sonque 20 ne son parlades activaments. Ara es lingüistes an descorbit que totes an ua lengua mairau: eth protoaustralian, originari deth nòrd deth continent-illa.

Totes es lengües que se parlèren e que se parlen en Austràlia encara aué an coma origina ua lengua parlada en ua petita area deth nòrd d’Austràlia.

Es cercaires confirmen ara que totes aqueres lengües an ua lengua ancessora, que totes eres provien d’ua soleta lengua, comuna des prumèri australiani qu’arribèren en Austràlia. Segontes açò serie ua lengua parlada pes prumèri abitants d’aqueth continent hè mès de 10.000 annades.

Es conclusions d’aguesta recèrca scientifica, publicades en jornau online Diachronica, son es prumèri qu’afirmen que totes es lengües parlades pes australiani son totes dera madeisha familha e que totes an ua origina comuna. Er estudi siguec hèt per diuèrsi lingüistes des universitats australianes d’Austràlia, der Oèst de Sidney e de Newcastle.

Ua origina non provada enquia ara

“Enquia ara es scientifics didien qu’Austràlia ère fòrça mès diuèrsa qu’Euròpa pr’amor que non auie estat provat que totes es lengües australianes auessen era madeisha origina – çò diguec Mark Harvey, dera Universitat de Newcastle, en Austràlia -. Mès ara oc qua’c auem podut provar”.

Era recerca comencèc dempús de confirmar-se que i auien caracteristiques sistematiques en es sons des paraules de totes aqueres lengües. Damb totes aqueres paraules similars es lingüistes podèren crear un vocabulari basic d’ua lengua primitiva. E separades per mès de 100 Km n’èren es descendentes.

Es lingüistes an descorbit que totes an ua lengua mairau: eth protoaustralian, originari deth nòrd deth continent-illa.

Segontes aqueth nau estudi totes es lengües que se parlèren e que se parlen en Austràlia encara aué an coma origina ua lengua parlada en ua petita area deth nòrd d’Austràlia. “Es origines d’aquera lengua se formèren en es montanhes Kimberley (Austràlia deth Nòrd) o encara mès ath nòrd (Territòri deth Nòrd).

Totun; era confirmacion lingüistica d’aquera lengua primitiua non permet conéisher com se moigueren es diuèrses populacions australianes pendent es darrèri 10.000 ans. “Encara i an fòrça questions entà arresponer – çò diguec Harvey – sus era Preïstòria australiana”.

Ua lengua parlada dempús dera arribada des prumèri indigènes australiani en aqueth continent hè mès de 65.000 annades. E açò hè d’aqueri òmes era mès anciana civilizacion dera planeta.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *