Home PALEONTOLOGIA DESCOBÈRT ETH PRUMÈR DIMETRODON…MAMIFÈR
DESCOBÈRT ETH PRUMÈR DIMETRODON…MAMIFÈR
1

DESCOBÈRT ETH PRUMÈR DIMETRODON…MAMIFÈR

0
1

Era paleontologia contunha d’èster ua sciència estonanta. Quan un pensa que ja sap mès o mens ua causa pr’amor qu’a liejut bèri uns libres o bremba ben aquerò ditz ena escola, pam, suspresa des bones. Coma se non se pòt descríver era trobalha d’un navèth fossil en Canadà, prèp dera familha des Dimetrodon ? Toti pensem eth meteis, es Dimetrodon èren…dinosaures. Donques adara s’a descobèrt qu’èren…mamifèrs !bathygnathus_borealis_by_plastospleen-d9badyu

Aguest ei era navera descobèrta d’una navèra espècie de fossil: Bathygnathus borealis, ja descobèrt en 1845 mès que non auèc nat nom enquia 1854.

“S’auie considerat de manèra marrida qu’aguest fossil, deth grop des Dimetrodons, ère un dinosaure. Dempús 1876 ja i comencèren a auer dobtes – çò ditz eth professor Robert Reisz, dera Universitat de Toronto-. Adara auem trapat, en tot utilizar es mès desparières tecniques entà conéisher era sua anatomia interna, qu’ère un animau mès prèp des mamifèrs que non des dinosaures.

Ua extincion prematura

Era trobalha deth fossil , trapada ena Isla deth Princep Eduard, en Canadà, ei adara eth prumèr sinapsid d’aguest tipe jamai trapat en aguest país. Er estudi s’a hèt public ena revista Canadian Journal of Earth Sciences e es autors an podut descobrir e confirmar que, maugrat que es sues dents hèn qu’aguest fossil sigue dera familha des dimetrodons, era sua anatomia hè que s’age d’inclúder coma mamifèr e non coma dinosaure. “Tanben avem podut confirmar qu’era sua extincion ei 40 milions d’annades abans qu’era des dinosaures e açò ei un aute pont que’l hè desparièr d’aguesti –çò ditz Kistin Brink, dera Universitat de Toronto-“.

Es sues dents son coma espades damb serres davant e darrèra, coma un guinhauet. “Ues dents plan poderoses entà nhacar e gahar troci de carn des preses – çò ditz Robert Reiz -. E s’açò hè que pogam pensar en un dinosaures, eth hèt ei que Bathygnathus borealis ère plan mès prèp des mamífers que non de sòns contemporanèus, es dinosaures. Suspreses paleontologiques.

Christian Andreu

Comment(1)

  1. “aquerò diT”
    “Toti pensem çò meteis’
    “aguestA ei era”
    “Prince EdOard”
    *darrera: de darrer (?),
    *troci: tròci
    *mamífers: mamífers

    èi lejut er article damb mon hilh, eth gascon de Sapiencia adara ei guaireben perfèit

LEAVE YOUR COMMENT

L'adreça electrònica no es publicarà. Els camps necessaris estan marcats amb *