Home SCIÉNCIA DE CAMIN A 101944 BENNU
DE CAMIN A 101944 BENNU
0

DE CAMIN A 101944 BENNU

0
0

Eth passat mes de seteme era umanitat balhèc ua passa mes ena exploracion der espaci. Aguest còp era sonda espaciau OSORIS-Rex siguec lançada en Cape Canaveral, Florida, en direccion ar espaci exterior. Era tòca non ei auta qu’arribar ar meteòr 101955 BENNU e ensajar d’auer ua mòstra fisica dera sua composicion. Açò permeterà es scientifics d’estudiar damb mes prigondor es meteòrs e era sua istòria naturau.

Eth meteòr 101955 BENNU ei un meteòr de 500 mètres d’amplor que crotze damb era Tèrra un còp cada 1,2 ans.

Atau, OSIRIS-Rex gessec dera Tèrra eth passat 8 de seteme damb era mission d’arribar ath meteòr 101955 BENNU en 2018. Un còp arribat aurà d’extrèir un troç deth meteòr – entre 60 g e 2 quilograms) e tornar ara nòsta planeta en 2021. Eth meteòr a ua orbita que l’apròpe ath planeta blu un còp recentament qu’a ua escasença entre 2700 de trucar damb era Tèrra entre es ans 2169 e 2199. S’aguest siguesse eth cas, era NASA començarie a trabalhar en ua mission entà desviar-lo.

Eth meteòr 101955 BENNU ei un meteòr de 500 mètres d’amplor que crotze damb era Tèrra un còp cada 1,2 ans. Era sua composicion ei basicaments de carbòni mès es scientifics vòlen saber se tanben i a aminoacids ena sua superfícia, un prètzhèt que ja s’a trapat en d’autes meteòrs.

Ua mission damb diuèrsi objectius

Dempús d’arribar ath meteòr n’a d’extrèir un troç qu’aurà d’èster estudiat dempús ena Tèrra.

Era mission dera sonda espaciau OSIRIS-Rex ei complexa. Dempús d’arribar ath meteòr n’a d’extrèir un troç qu’aurà d’èster estudiat dempús ena Tèrra. Atau, entre es objectius, i a es d’analizar era sua composicions de carbòni, her ua mapa d’ua petita part dera sua superfícia, documentar era sua morfologia e proprietats quimiques e compara-les damb es donades telescopiques que i a enquia aué. Ath delà, aurà de mesurar er efecte Yakkousky, çò ei quina fòrça termau a aguest meteòr.

Era part mes dificila dera mission serà quand OSIRIS-Rex baisharà ath meteòr. En solament 5 segondes aurà de lançar un rai de nitrogèn per obtiéner troçi petits deth meteòr. Un còp açò hèt aurà de los préner damb un braç robotic e s’enlairar un aute còp en direcccion ara Tèrra. OSORIS-Rex a pro nitrogèn entà poder hèr aguesta pròva enquia tres còps. Es resultadi der estudi que se harà dempús ena Tèrra poirien ajudar a conéisher melhor es meteòrs e, se cau, coma evitar-los.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *