Home TECNOLOGIA CARRETÈRES DE PLASTIC
CARRETÈRES DE PLASTIC
0

CARRETÈRES DE PLASTIC

0

Cada annada mès de 350 milions de tones de plastic contaminen era planeta. Mès e mès. Es olandesi an trapat ara ua manèra de reciclar tot aqueth plastic; hèr carretères e carrèrs de plàstic. Eth passat mes de seteme era vila olandesa de Zwolle, ena província d’Overijssel, inaugurèc era prumèra carretèra hèta damb un 70% de plastic.

Era durada de vida d’aguest tipe de carrèteres ei enquia 3 còps mès grana qu’es des carretères classiques.

Ua oportunitat fantastica pes politiques ecologistes. Son es iniciatives coma aguesta es que hèn a pensar que, dilhèu, un dia, era umanitat arribarà a temps de sauvar era planeta. Era contaminacion giganta de plastics que patissen es oceans aué poirie veir-se redusida damb eth bastiment de carretères ena planeta. Poirie ben èster un prumèr pas.

Era carretèra hèta en un 70% de plastic reciclat en Zwolle, en Olanda, siguec bastida pera entrepresa olandesa PlasticRoad, ua union des entrepreses olandeses KWS e Wain e era entrepresa francesa Total. Era carrètera ei hèta damb tròçi de plastic d’enquia 30 m de longor e cadun ei hèt damb 500.000 botelhes de plastic. De mès, mesure era temperatura e eth trafic que i a ena carretèra en tot moment.

Ua carretera damb fòrça avantatges

Ath contrari qu’es carretères d’asfalt, es naues carretères de plastic pòden èster hètes damb moduls prefabricadi, que son enquia 4 còps mès laugères, facils de transportar e enquia un 70% mès rapides d’installar. Es places de parcatge o es carrils de separacion pòden tanben èster facilaments èster imprimidi abans dera sua installacion en tèrra.

Era durada de vida d’aguest tipe de carrèteres ei enquia 3 còps mès grana qu’es des carretères classiques. An de besonh pòc manteniment pr’amor qu’es coches non i hèn cap de horat. Non an problèmes damb es temperatures, es èrbes o era aigua. De mès, pòden durar enquia 4 còp mès qu’es autes.

Era vila olandesa de Zwolle, ena província d’Overijssel, inaugurèc era prumèra carretèra hèta damb un 70% de plastic.

“Ena planeta son utilizades cada an enquia 350 milions de tones de plastic e solament son tornades a utilizar, çò ei reciclades, un 14% – çò digueren es dera entrepresa Wavin-. Açò son ¾ de tot er asfalt utilizat cada an ena planeta entà hèr carretères ( 120 milions de tones). Eth futur ei bon entà aguestes carretères”.

Atau, ua auta carrètera coma aguesta de Zwolle ei prevista d’èster installada en Giethoorn lèu, mès que i a un sens nombre d’auti projèctes en cors. Era entrepresa britanica MacRebur ja vò bastir carretères damb un 10% de plastic e en Austràlia ja siguec inaugurada ua carretèra hèta damb 63.000 botelhes de plastic ( qu’ei totun solament un 1% dera composicion dera carretèra).

Era entrepresa PlasticRoad vò hèr es carretères damb un 100% de plastic lèu. Cau encara solucionar problèmes coma era abrasion des coches o era combustion pes incendis. Totun, segur que seràn, diden, lèu resolvuts. Çò qu’ei segur ei qu’ei ua manèra pro intelligenta de lutar contra era contaminacion de plastic ena planeta e de hèr atau un mon un shinhau melhor. Ua iniciativa ecologica des bones.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *