Un plan per lutar contra l’extincion del tigre salvatge en Cambòtja es estat aprovat recentament pel govèrn d’aquel país. E per far aquò cal importar tigres d’autres païses segon confirmèron associacions ecologistas.
O cal far pr’amor que lo darrièr tigre de Cambòtja foguèt vist en l’èst del país en l’an 2007. Après, es estat considerat oficialament extingit. Aquestas donadas son estadas confirmadas pel gròp environamentalista WWF-Cambòtja.
La pèrta d’abilitat e la caça poguèron doncas far desaparéisser aqueste carnivòr d’un país qu’aviá conviscut amb el totjorn. Maugrat aquò, coma que ja non i avián d’animals per la reproduccion se’l considerèt desaparegut del país del sud-èst asiatic.
Un plan urgent aprovat per la autoritats
Maugrat aquò, lo govèrn cambotjan a decidit far la reintroduccion d’aqueste mamifèr en lo país e lèu: un petit nombre de tigres seràn importats d’autres païses a la Sèuva Protegida de Mondulkiri, lo meteis lòc ont foguèt vist lo darrièr tigre en Cambòtja,
Pendent la primièra fasa del plan arribaràn dos tigres mascles e dinc a sièis femelhas, segon confirma l’associacion WWF. Lo plan es semblant al seguit fins a uèi lo jorn en Índia e qu’es estat una capitada. Totun, que los tigres non arribaràn a Cambòtja fins a l’an 2020.
Al delà d’aquò, totes les 13 païses que forman la region ont se supausa que encara demora lo tigre asiatic s’amassaràn lèu en Nòva Delhi per discutir coma se pòt far créisser lo nombre de tigres en la region dempuèi uèi fins a 2022. La populacion de tigres que viu encara uèi en aqueste airal es de solament 3.200 tigres.
Divèrses estudis fachs entre 2006 e 2010 confirman que los tigres que abans demoravan en aqueste airal ara solament ocupan un 6% de la region. Tot aquò segon la Lista Roja d’Espècias Menaçadas facha per l’Union Internacionala per la Conservacion de la Natura e la Ressorças Naturalas.
Christian Andreu
