Home PALEONTOLOGIA APRÈS LO METEÒR I AGUÈT ENCARA DE MANJAR
APRÈS LO METEÒR I AGUÈT ENCARA DE MANJAR

APRÈS LO METEÒR I AGUÈT ENCARA DE MANJAR

1

Après la casuda del meteorit que tuèt tota forma de vida a la Tèrra fa 65 milions d’ans, i aguèt l’extincion de totes los dinosaures, reptils marins, invertebrats e tanben d’organismes microscopics. Dison los scientifics que la vida a Tèrra e Mar demorèt sens vida pendent qualques milions d’ans.

meteorite_reptiles_marins
Lo meteorit que caiguèt sus la Tèrra auciguèt gaireben tota forma de vida.

Aital, coma es possible que uèi i aja de vida ? Un gròp de scientifics de l’Universitat de Cardiff (País de Galas) a fach un estudi que confirma qu’al fond marin i contunhèt d’aver de vida en forma d’algas e d’autras bacterias e qu’aquestas foguèron lo menjar d’autres animals que demorèron a l’indrech.

L’estudi, publicat a Geology, confirma que la cadena d’aliments se trinquet pas de forma totala coma pensa encara uèi lo jorn part de la comunautat scientifica. Aquesta manten encara uèi que la casuda del meteorit foguèt fatal tanben per d’algas e de bacterias i que tota la vida al mar moriguèt.

La descoberta s’es facha après confirmar de nòvas donadas de la composicion quimica de la matèria que i a al fonds de l’ocean Atlantic e la circulacion qu’aquesta a. Aquò a fach pensar que benlèu fa 65 milions d’ans la vida marina al fons oceanic poguèt subreviure a l’impacte e divèrsas espècias contunheron de demorar vivas en aver coma noiridiura d’algas e de bacterias. Aital, 1, 7 milions d’ans après la casuda del meteorit qu’impactèt la peninsula de Yucatan, lo fons marin ja èra un autre còp plen de vida animala.

La crisi que demorèt 2 milions d’ans

“La casuda d’aqueste meteorit fa 65 milions d’ans provoquèt l’extincion de la majoritat d’animals e vegetals a la Tèrra – çò diguèt Heather Birch, cap de l’estudi – mas la catastròfa foguèt pas totala. Al mens a l’ocean. Lo plàncton moriguèt mas d’autres organismes que fasián fotosintesi coma d’algas e determinats tipes d’algas contunhèron de viure lo jorn après”.

fondodelmar-820x300
En lo fond de la mar contunhèt d’i aver vida en forma d’algas e bacterias.

Totun, la còla scientifica qu’a fach aquesta recerca cre que pendent 2 milions d’annadas la noiridura al fons marin foguèt pas totala e que fins aquel moment foguèt pas  possible per las nòvas espècias d’aucupar los divèrses espacis voids qu’avián demorat liures après l’extincion generala.

Aquò se debanèt après la casuda d’un meteorit en Yucatan de 10 quilomètres de diamètre que provoquèt la liberacion de gases toxics e que lo soleh s’amaguèsse pendent fòrça de temps. Aquesta fauta de lutz tanben provoquèt una casuda generala de temperatura e una extincion de la majoritat d’animals que i aviá a l’epòca a la planeta Tèrra.

“De mai, la casuda d’aqueste meteorit – çò racontèt Stanton – provoquèt la liberacion de trioxid de sulfur, un gas qu’auriá provocat un creissement de las plojas acidas pendent de jorns e finit amb la vida animala a la superficia marina: mas pas als fonds marins ont i contunhèt d’aver vida pr’amor de las algas e las bacterias”.

Christian Andreu

Comment(1)

  1. Òsca e mercés per aqueste beròi sit. Avossi bona e longa vita !

    Ua arremarcòta tà l’article aqueste… De còps que i a los scientifics qu’an combat dab la logica mei elementària.
    A tot viracodet que ns’explican los ausèths que vienen deus dinosaures aviaris (e nosauts medishs qu’am com ancèstre quauque arratet arboricòla deu Cretacèu). Donc, aquestes ne despareishón pas tots quan la gran escantida, o senon que serem estats fènix qui respelim de la pròpi cendre au cap d’un parelh de milions d’ans.
    La vita n’a pas tornat evoluïr en partir de bactèris e de micròbis : shens mentàver los peishs, los molusques, etc. tau peugue, a tèrra tanben los mamifèrs, los reptils, los ausèths, los artropòdes et bèth drin tot çò de terrèstre au jorn de uei b’èm descendents de las espècias qui existivan jà e qui n’estón pas completament eliminadas alavetz. Atau los cefalopòdes, los crocodilians, los quelonians que i èran avant lo meteorit e qu’i son enqüèra.
    E qu’ei parièr tà las plantas.
    La vita qu’ei hèra mei resilienta que tot çò qu’imagínam, e que deu aver trobat endòstas, per exemple au sobac de las montanhas, on tot n’estó pas desruit per l’andada de huec (e que subervivó tanben a l’ivèrn atmosferic qui se’n seguí). En partir d’aqueras “vaths perdudas” qu’aurà tornat colonizar los biotòps a fina mesura que s’esclariva lo cubertís nublós.
    En tot cap ne pòden pas seriosament afirmar que tota vita e despareishó de las tèrras emergidas.

LEAVE YOUR COMMENT

L'adreça electrònica no es publicarà. Els camps necessaris estan marcats amb *