Home DIVÈRSES AN TROBAT DE MOLECULAS ORGANICAS COMPLÈXAS SUS ENCELAD
AN TROBAT DE MOLECULAS ORGANICAS COMPLÈXAS SUS ENCELAD
0

AN TROBAT DE MOLECULAS ORGANICAS COMPLÈXAS SUS ENCELAD

0

Los biastronòms i tornan. Los scientifics qu’an d’estudiar se i a de vida sus d’autras planetas semblan de voler confirmar ara que i a de vida pertot. Aquò es çò que se pòt arribar de pensar après que s’es confirmat que sus una luna de Saturne, Encelad, i son estadas trobadas de moleculas organicas complèxas. Abans i aviá pas de vida sus cap de planeta. Ara sembla que n’i a sus fòrça d’eles.

La planeta Encelad restacada amb la Luna e la Tèrra.

Es pas un tipe de vida extraterrèstra coma la majoritat pensam. Mas es de matèria organica complèxa fòra de la Tèrra. E aquò es çò d’important. La descobèrta ven après l’analisi de nòvas donadas de la sonda espaciala Cassini, de la NASA, que subrevolèt Saturne e envièt de nòus imatges en 2015. La causa ne seriá l’aiga cauda d’aquela luna.

D’aiga cauda qu’es getada dins l’espaci de l’interior de la luna estant, e que segon plusors còlas scientificas poiriá rendre mai aisida –e plan– l’aparicion de bactèrias extraterrèstras e aquò vòl dire de vida sus aquela luna de Saturne. Segon los estudiaires d’aquelas nòvas donadas, los divèrses procèsses idrotermals que patís Encelad (un dels 62 satellits de Saturne) aurián ajudat a plan sintetizar de matèria inorganica en de matèria organica complèxa.

De condicions geotermicas particularas

Atal, los astronòms qu’an fach aquel estudi soslinhan que las divèrsas condicions geotermicas que patís Encelad aurián rendut mai aisit lo desvolopament de moleculas biologicas extraterrèstras.

“Ja i sèm tornarmai –çò diguèt Christopher Glein, especialista en oceanografia quimica extraterrèstra–. Abans, aviam ja identificat de moleculas organicas amb solament qualques atòms de carbòni. Ara, totun, podèm confirmar que i a de moleculas amb de massas qu’an mai de 200 unitats atomicas, çò es de matièra organica complèxa”.

La superfícia glaçada d’Encelad a, totun, d’aiga cauda dins son interior.

Segon los cercaires, doncas, aquò es mai de 10 còps mai pesant que lo metan, e amb aquelas moleculas organicas que sortisson de l’interior d’aquela luna Encelad seriá la soleta planeta amb la Tèrra a aver totas los condicions per aver de vida coma la coneissèm a l’ora d’ara. L’analisi d’aquelas donadas se faguèt en tot utilizar la tecnologia de l’espectrometria massissa.

A mai, los scientifics an volgut soslinhar que la sonda Cassini contunha de mandar de mai en mai de donadas e per tant predison qu’encara an d’arribar mai de suspresas.

L’estudi, publicat fa gaire dins la revista numerica Nature, confirma la preséncia de matèria organica complèxa sus Encelad d’annadas après l’arribada de donadas de la sonda Cassini que dintrèt en 2004 dins lo sistèma de Saturne. Alavetz foguèron ja detectadas de moleculas d’idrogèn e tot un ocean que i aviá jos la superfícia d’aquela luna saturniana.

Las moleculas d’idrogèn serián tanben la resulta de mai d’un procès geoquimic entre l’aiga e la ròca dins d’environaments idrotermics en cèrts luòcs d’Encelad. E tot aquò ja foguèt confirmat a son moment.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *