Home PALEONTOLOGIA AFRICA TANBEN AVIÁ DE MEGATERAPÒDES
AFRICA TANBEN AVIÁ DE MEGATERAPÒDES
0

AFRICA TANBEN AVIÁ DE MEGATERAPÒDES

0
0

Se pensava que i avián pas de megaterapòdes o carnivòrs gigants fins la fin del Jurassic o mai endavant, al Cretacèu. E plan mens en Africa. Cap fossil de dinosaure d’aquela familha èra estat descobèrt. Fins ara. La descobèrta d’una pesada de la nòva espècia Kayentapus ambrokholohali, de segur, cambiarà aquel vejaire paleontologic.

La nòva espècia de dinosaures carnivòr african fasiá mai de 9 mètres, çò es un pauc mai pichon que T. rex.

Es aital pr’amor que la nòva espècia de megaterapòde demorèt en Gondwana – lo megacontinent que se desseparèt aprés en plusors continents – fa ara aperaquí 200 milions d’annadas. La sieuna talha – mai de 9 mètres – tanben es estonanta pr’amor que Tyrannosaurus rex fasiá solament 12 mètres.

La descobèrta es estada realizada per una còla de recercaires de las universitats de Manchester, Lo Cap e Sao Paulo, que confirmèron que la pesada fasiá 57 centimètres de longor e 50 cm d’ample. Aquò balhariá Kayentapus una longor de mai de nou mètres mas çò qu’es una suspresa es lo luòc ont es estada trobada la pesada – Lesotho – e l’epòca d’aquel megaterapòde.

La pesada es, sens dobte, la pesada mai granda d’un terapòde gigant jamai trobada al continent african e foguèt trobada al districte de Maseru, en Lesotho. Las ròcas que i aviá a l’entorn d’aquela son de fa 200 milions d’ans e semblariá qu’apertenon a un ancian flume.

Una carnivòr african nòu

“Es una descobèrta excitanta – çò diguèt Fabien Knoll, recercaire de la universitat anglesa de Manchester- pr’amor que balha nòva lutz sus lo tipe de carnivòrs que i aviá en Africa en aquela epòca. Foguèt un terapòd gigant que demorèt en un paisatge plen d’autres dinosaures carnivòrs. Kayentapus foguèt la partida mai nauta de la cadena alimentària”.

La pesada de Kayentapus tanben es plan importanta pr’amor que, fins ara, se pensava qu’en aquela epòca los carnivòrs foguèron plan mai pichons. Solament pendent la fin del Jurassic e lo Cretacèu adoptèron una talhas plan mai grandas, coma demòstran los fossils trobats fins ara de T. Rex. La mejana èra de 3 a 5 mètres e pro.

Fabien Knoll, un dels recercaires qu’a descobèrt la pesada d’aquela nìva espècia de megaterapòd african.

“Es lo primièr còp que trobam dinosaures carnivòrs gigants pendent lo començament del Jurassic en la partida mai meridionala de Gondwana – çò afirmèt Lara Sciscio, paleontropòloga de l’Universitat del Cap -. Per ansin es una descobèrta de primièr òrdre. Pesadas coma aquela solament son estadas trobadas abans en un autre luòc, en Polonha”.

“En païses coma Africa del Sud, Lesotho, Zimbabwe o Namibia i an de pesadas de terapòds de la fin del Triassic e del Jurassic – çò diguèt Knoll – mas cap encara èra d’un megaterapòde. La trobalha es unica”.

La Redaccion

Christian Andreu

Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l’occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *