Home DIVÈRSES 60.065 ESPÈCIAS D’ARBRES AL MOND
60.065 ESPÈCIAS D’ARBRES AL MOND

60.065 ESPÈCIAS D’ARBRES AL MOND

0
0

Un nòu estudi balha nòvas donadas sus la populacion d’arbres al mond. Segon aqueste i a exactament 60.065 espècias d’arbres a la planeta. L’estudi confirma la riquesa del mond vegetal a la Tèrra e es estat realizat per mai de 500 organizacions.

La chifra de mai de 60.000 espècias que i a uèi a la planeta poiriá créisser encara mai.

Jardins Botanics per la Conservacion Internacionala (BGCI en anglés) es l’organizacion qu’a fach lo nòu estudi en tot utilizar las donadas de mai de 500 organizacions membres. Amb aquò vòlon identifica espècias pauc comunas e tanben las espècias que son en dangièr. Qualqu’unas, dison, necessitan actuacions urgentas per èsser pas escantidas lèu.

L’estudi, publicat al Journal of Sustainable Forestry, a confirmat divèrsas donadas estonantas. Entre aquestas que Brasil es la nacion qu’a un nombre mai grand d’espècias d’arbres: a un total de 8.175 desparièras espècias.

E la region que n’a mens es America del Nòrd, que n’a solament mens de 1.400. solament las regions polaras, qu’an pas arbres, n’an mens. De mai, un 58% de las espècias d’arbres estudiadas se tròban solament en un país e aquò las fa fòrça mai vulnerablas a l’extincion, la deforestacion, episòdis environamentals extrèms o l’activitat umana.

Mai de 300 espècias en dangièr

Pas totas las espècias d’arbres de la planeta an bona santat. Mai de 300 son en dangièr d’extincion.

De las mai de 60.000 espècias identificadas a la planeta tota, prèp de 300 son estades classadas en un dangièr real d’extincion pr’amor que solament demoran 50 especimèns o mens a la natura. Maugrat aquò, l’organizacion BGCI a volgut confirmar que conéisser lo nombre exacte d’espècias d’arbres a la planeta es un trabalh impossible de far. Solament n’aver una idèa e pro.

“L’estudi es pro realista pr’amor qu’avèm agut l’ajuda de mai de 500 institucions botanicas – çò diguèt lo secretari general de BGCI Paul Smith -. La digitalizacion d’aquestas donadas es lo capítol final d’un trabalh d’identificacion d’espècias d’arbres qu’a demorat sègles”.

Al delà, l’estudi a situat la geolocalizacion coma una ajuda indispensable per trobar nòvas espècias als botanics. Amb aquò se pòt ja crear plans de conservacion dempuèi un primièr moment, çò diguèron los expèrts de BGCI. E aital se pòt actuar melhor en las espècias mai fragilas.

Lo nòu estudi confirmq que i a exactament 60.065 espècias d’arbres a la planeta.

Coma exemple, BGCI parlèt d’una espècia d’arbre qu’es estada trobada solament a Tanzania: Karomia gigas. En 2016 una còla de scientifics la descobriguèt en una region luenhana d’aquel país. E solament aviá una populacion de 6 arbres. Creèron una còla per susvelhar los arbres e poder aver aital semenças. Amb elas vòlon la reintrodusir en autras regions per poder la sauvar.

Totun, aquesta organizacion a volgut confirmar que la chifra de mai de 60.000 espècias que i a uèi a la planeta poiriá créisser dempuèi ara en mai de 2.000 espècias cada an e pr’aquò es un listat qu’es pas definitiu. Una tòca qu’esperam que pòscan aténher.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *